Волковысский педколледж

Педагагічныя чытанні
“Сучасная адукацыя: вопыт, праблемы, перспектывы”
з міжнародным удзелам

У Ваўкавыскім каледжы стала добрай традыцыяй праводзіць мерапрыемствы навуковага, даследчага, вынаходніцкага кшталту. 10 лютага ў нашай ўстанове адукацыі сустракалі ўдзельнікаў педагагічных чытанняў “Сучасная адукацыя: вопыт, праблемы, перспектывы”. Гэта мерапрыемства праходзіла ў вочнай, завочнай, дыстанцыйнай форме. Яно сабрала педагогаў школ № 4, 5, 7 г. Ваўкавыска, школы № 16 г. Лiды, Ваўкавыскага каледжа, Рэчыцкага педагагічнага каледжа, Барысаўскага дзяржаўнага каледжа, Горыцкага педагагічнага каледжа. Педагагічныя чытанні насілі міжнародны характар: педагогі Шахцінскага педагагічнага каледжа (Расійская Федэрацыя), з якім цесна супрацоўнічае наша альма матар, таксама даслалі свае даследчыя работы і відэаматэрыялы. Удзельнікі мерапрыемства прадставілі работы, у якіх узнімаліся пытанні выкарыстання сучасных адукацыйных, здароўезберагальных, развіццёвых, інфармацыйна-камунікацыйных тэхналогій на розных ступенях навучання. Госці педагагічных чытанняў – выпускнікі Ваўкавыскага каледжа, сёння яны выдатныя настаўнікі сваіх устаноў адукацыі і актыўныя даследчыкі-практыкі, таму дадзенае мерапрыемства стала своеасаблівым вечарам сустрэчы, у дадзеным выпадку сустрэчы даследчыкаў у сферы агульнай сярэдняй і сярэдняй спецыяльнай адукацыі, якое яшчэ раз прадэманстравала сувязь паміж навучальнымі ўстановамі рознага ўзроўню адукацыі, паміж навучальнымі ўстановамі нашай краіны і замежжа. Хочацца спадзявацца, што педагагічныя чытанні стануць яшчэ адным брэндам Ваўкавыскага каледжа, мерапрыемствам, якое яднае сяброў-даследчыкаў, Купалаўцаў, разумных, таленавітых, кампетэнтных.

Н.В. Лазарчык, метадыст

Опубликовано 10 февраля 2022 г.