Мітынг-рэквіем
Штогод сумная падзея адзначаецца 22 жніўня для жыхароў Ваўкавыскага раёна. У гэты дзень у 1942 годзе былі расстраляныя юныя
камсамольцы-падпольшчыкі. Сёння каля мемарыяльнага комплексу «Парахаўня» традыцыйна сабраліся прадстаўнікі органаў улады,
працоўных калектываў, дзяржаўных і грамадскіх арганізацый Ваўкавышчыны, каб ушанаваць памяць і подзвіг нашых продкаў. Дэлегацыю
Ваўкавыскага каледжа прадставілі кіраўніцтва і маладыя спецыялісты, якія сёлета толькі пачалі сваю працоўную дзейнасць.
Арганізатары мерапрыемства каля мемарыялу расказалі пра трагічныя старонкі нашай гісторыі, прадстаўнікі праваслаўнай і каталіцкай
цэркваў правялі памінальны малебен, а ўдзельнікі мітынгу аддалі даніну павагі продкам і ўсклалі кветкі.
Н.В. Лазарчык, метадыст
Здымкі прадастаўлены аўтарам
 
Апублікавана 21 жніўня 2026г.
Перейти в архив всех новостей
|
