Навучэнцы Ваўкавыскага каледжа – майстры Шаўковага шляху
На працягу трох дзён Ваўкавыскі каледж ўдзельнічаў у 5-м Міжнародным прафесійным конкурсе «Майстры Шаўковага шляху». Арганізатары гэтага мерапрыемства –
Пекінскі камітэт адукацыі і Пекінская міжнародная адукацыйная і культурная кампанія «WECO» у рамках супрацоўніцтва з УА «Рэспубліканскі інстытут прафесійнай
адукацыі». Конкурс мае на мэце ўдасканаленне механізму міжнародных абменаў і супрацоўніцтва, развіццё адукацыйнага і гуманітарнага супрацоўніцтва з краінамі
“Аднаго пояса і аднаго шляху”, спрыяць выхаванню талентаў, узмацніць міжнародны ўплыў прафесійнай адукацыі.
Ваўкавыскі каледж, які ўпершыню выступаў на гэтым мерапрыемстве, быў прадстаўлены па трох напрамках. Навучэнцы спецыяльнасці “Дашкольная адукацыя” ў кампетэнцыі
“Мастацкія навыкі ў дашкольнай адукацыі” выконвалі дзіцячую песню і стваралі ў прамым эфіры малюнак. Навучэнкі спецыяльнасці “Дызайн (графічны)”
прэзентавалі арыгінальную сувенірную прадукцыю ў намінацыі “Дызайн культурна-крэатыўных падарункаў”. Навучэнкі спецыяльнасці “Пачатковая адукацыя” пазнаёмілі
ўдзельнікаў і журы конкурсу з вырабамі ў тэхніцы квілінгу ў намінацыі “Дызайн традыцыйных культурных рамёстваў”.
У конкурсе ўдзельнічалі навучэнцы ўстаноў сярэдняй спецыяльнай адукацыі Рэспублікі Беларусь, Китайскай Народнай Рэспублікі, Рэспублікі Казахстан. Вынікі
будуць падведзеныя праз тры месяцы. Усе нашы канкурсанты са шчырай цікавасцю назіралі за выступленнямі іншых удзельнікаў, пераймалі вопыт, адзначылі для сябе
моманты, якія мажліва ўдасканаліць. Навучэнцы адзначылі, што мерапрыемства дало магчымасць праявіць сябе прафесіяналамі сваёй справы, пазнаёміцца з культурай
іншых краін, асаблівасцямі прафесійнай адукацыі.
Н.В. Лазарчык, метадыст
Здымкі прадстаўлены аўтарам
      
Апублікавана 24 красавіка 2025г.
Перейти в архив всех новостей
|
Поиск по сайту
Последние новости
ТОП-10
|
