Адкрытае пасяджэнне навуковага гуртка
27 сакавіка адбылося адкрытае пасяджэнне навуковага гуртка па праблеме “Літаратурнае даследаванне ў беларускай прозе і паэзіі”, прысвечанае 185-годдзю з дня
нараджэння Францішка Багушэвіча. Немагчыма пераацаніць уклад у гісторыю беларускай літаратуры самага яркага нацыянальнага паэта ХІХ стагоддзя, празаіка,
публіцыста і грамадскага дзеяча Францішка Бенядзікта Багушэвіча.
Члены гуртка даследавалі творчую і грамадскую дзейнасць паэта. Няжэльская Сафія і Бакач Дарья правялі гістарычны экскурс і агучылі 20 цікавых фактаў з
біяграфіі Францішка Багушэвіча. Швайко Дана прааналізавала публіцыстычную спадчыну творцы, звярнула ўвагу на прадмовы да паэтычных зборнікаў, у якіх
Багушэвіч абараняе сацыяльныя і нацыянальныя правы беларусаў, права на існаванне і развіццё беларускай мовы і культуры. Агляд зборнікаў “Дудка беларуская” і
“Смык беларускі” зрабілі Шчурко Крысціна і Булавік Дар’я, яны ж выканалі і параўнальны аналіз гэтых кніг, агучылі, чым падобныя і чым адрозніваюцца зборнікі,
іх жанрава-тэматычнае напаўненне.
Кіраўнік гуртка, выкладчык беларускай мовы і літаратуры, Макавецкая К.З.
Здымкі прадстаўлены аўтарам
   
Апублікавана 31 сакавіка 2025 г.
Перейти в архив всех новостей
|
