Волковысский педколледж

Міжнародны дзень роднай мовы

Да Міжнароднага дня роднай мовы, які адзначаецца 21 лютага, навучэнцы падрыхтавалі святочную праграму «Беларусь мая сінявокая».
Шчырыя і прачулыя словы гучалі пра важныя святыні кожнага чалавека: Радзіму, мову, бацькоў, сям’ю, спадчыннае слова. Глыбокім лірызмам, шчырай любоўю і паважлівым стаўленнем да іх было прасякнута выступленне кожнага ўдзельніка. На ўрачыстым мерапрыемстве ў выкананні навучэнцаў прагучалі вершы беларускіх пісьменнікаў, дынамічныя і жыццярадасныя беларускія песні і самабытныя танцы – неад’емная частка беларускай культуры. Беларускае слова, родная мова – гэта тое, што яднала сёння прадстаўнікоў розных пакаленняў. Дзякуючы асаблівай зацікаўленасці кожнага з прысутных, святочная праграма атрымалася непаўторная, эмацыянальна-ўзнёслая, з выразным патрыятычным гучаннем.
Радуе, што духоўны скарб нашага народа ашчадна зберагаецца і перадаецца нашчадкам, а добрыя традыцыі працягваюць жыць.
Белавус В.М., выкладчык беларускай мовы і літаратуры
Здымкі прадстаўлены аўтарам

Апублікавана 21 лютага 2023 г.

Перейти в архив всех новостей