Волковысский педколледж

Тыдзень роднай мовы “Як ты дорага мне, мая родная мова!”

З 19 па 23 верасня ва ўсіх навучальных установах Рэспублікі Беларусь праходзіў Тыдзень роднай мовы “Як ты дорага мне, мая родная мова!”. У Ваўкавыскім каледжы ён стаў цікавым, запамінальным, эмацыянальным, шчырым, інтэлектуальным, разнапланавым.
На працягу Тыдня ў бібліятэцы каледжа працавала выстава па пытаннях сучаснай беларускай літаратурнай мовы “Сэрцам роднага слова краніся”. 19 верасня Тыдзень пачаўся акцыяй-матыватарам “Размаўляй са мной па-беларуску”. У гэты ж дзень навучэнцы праявілі сваё ўменне працаваць з інфармацыйна-камунікатыўнымі тэхналогіямі падчас стварэння інтэрактыўнага воблака слоў “Маё любімае слова па-беларуску”; наведалі выставу дэкаратыўна-прыкладнога мастацтва, прысвечаную Тыдню роднай мовы. Жыхары інтэрната мелі мажлівасць сустрэцца з цікавым госцем – старшынёй Ваўкавыскага раённага савета прафсаюзаў Паўловічам Віктарам Віктаравічам.
20 верасня навучэнцы каледжа прэзентавалі віншавальныя паштоўкі “Пажаданні роднай мове”; удзельнічалі ў гастранамічным фэсце “Беларуская кухня”, дзе апынуліся ў ролі гаспадынь, гатавалі ўнікальную беларускую страву – дранікі. У гэты ж дзень выхаванцы каледжа здзейснілі вандроўку ў вёску Шавулічы, дзе экскурсію для іх правялі будучыя гіды – навучэнцы спецыяльнасці “Турызм і гасціннасць”.
21 верасня навучэнцы першых курсаў завіталі ў каледжны музей на экскурсію “Аб родным кpai роднай мовай”, якую правялі тасама будучыя экскурсаводы. У гэты ж дзень навучэнцы спецыяльнасці “Дызайн (графічны)” запрасілі ўсіх жадаючых на адкрыццё выставы работ па выніках практыкі “Пленэр”.
22 верасня адбылася акцыя “Чытаем вершы пра родную мову” ў форме конкурса дэкламатараў беларускай лірыкі.
23 верасня навучэнцы і выкладчыкі атрымалі асалоду ад беларускіх песень “Мова родная – мова модная”. Завяршыўся Тыдзень падвядзеннем вынікаў творчых работ “За што я люблю родную зямлю”, у якім навучэнцы прадэманстравалі свае пісьменніцкія здольнасці. Дыпломамі былі адзначаны работы наступных навучэнцаў: Заянчкоўскай Дамінікі (група 7-11), Філіпавай Алены (група 1-31), Курапатскай Дар’і (група 1-21), Валынчык Юліі (група 1-21).
Верыцца, што падчас Тыдня роднай мовы кожны знайшоў для сябе той прамень ад сонейка беларускай мовы, які найлепш, найцяплей сагравае яго беларускую душу.